תקוני הזהר, דף קט״ז ע״בTikkunei Zohar 116b

Daf 116b — amud 232 of 295 — 8 segments

An English rendering of this section is being prepared. The Aramaic is complete below.

Segment 1א׳

בִּתְרֵין צִיּוּרִין, הֲדָא הוּא דִכְתִיב (בראשית ב ד) וַיִּיצֶר יהו"ה אלהי"ם וַיִּיצֶר בִּתְרֵין צִיּוּרִין, צִיּוּרָא דְאַבָּא דְאִיהוּ יהו"ה, וְצִיּוּרָא דֶאלהי"ם דְּאִיהִי אִימָּא, וְדָא אִיהוּ וַיִּיצֶר יהו"ה אלהי"ם, וּלְבָתַר עָבַד לֵיהּ מָאנָא הֲדָא הוּא דִכְתִיב (שם) עָפָר מִן הָאֲדָמָה, מִן הָאֲדָמָה לָא כְתִיב, אֶלָּא עָפָר מִן הָאֲדָמָה, וְדָא שְׁכִינְתָּא תַּתָּאָה דְאִתְּמַר בָּהּ (איוב לד טו) וְאָדָם עַל עָפָר יָשׁוּב דְּאִיהִי גִלְגּוּלָא דִילֵיהּ.

Segment 2ב׳

אָמַר רַבִּי אֶלְעָזָר, אַבָּא, בָּתַר דְּרַעֲוָא אִשְׁתַּכַּח צָרִיךְ לְמִפְתַּח מִלִּין בְּאִתְגַּלְיָא, מַאי אָדָם דְּבָרָא עִלַּת הָעִלּוֹת בְּדִיּוֹקְנֵיהּ, דְּהָא כְתִיב דְּלֵית בֵּיהּ דְּמוּת, אָמַר לֵיהּ, בְּרִי, הָכָא לָא אָמַר בְּצַלְמֵנוּ, דְּאִית בֵּיהּ דִּיּוֹקְנָא, אֶלָּא בְּצַלְמוֹ רוֹצֶה לוֹמַר כְּגַוְונָא דְאִיהוּ רוֹאֶה וְאֵינוֹ נִרְאֶה, דִּיהֵא אִיהוּ הָכִי, וּכְגַוְונָא דְלֵית בֵּיהּ דִּיּוֹקְנָא, דִּיהֵא אִיהוּ הָכִי, וּכְגַוְונָא דְלֵית קַדְמוֹן עֲלֵיהּ דִּיהֵא אִיהוּ הָכִי, וּכְגַוְונָא דְאִיהוּ עִלַּת הָעִלּוֹת חַד בְּלָא שׁוּתָּפוּ וּבְלָא חֻשְׁבָּן, דִּיהֵא אִיהוּ הָכִי, כֹּלָּא כְּגַוְונָא דִילֵיהּ.

Segment 3ג׳

וְאִית אָדָם דִּבְרִיאָה וִיצִירָה וַעֲשִׂיָּה בְּגַוָּונָא אָחֳרָא בִּלְבוּשִׁין וְגוּפָא (דלבר) (נ"א בלבד), דְּבַאֲצִילוּת הָא אִתְּמַר דְּלֵית בֵּיהּ בְּרִיאָה וִיצִירָה וַעֲשִׂיָּה כְּלָל, אִית בְּרִיאָה דְבָרָא הוּא לְתַתָּא בְדִיּוֹקְנֵיהּ, אֲבָל לַאו דְּאִתְבְּרֵי אִיהוּ.

Segment 4ד׳

וְתָא חֲזִי אַף עַל גַּב דְּאִתְּמַר בִּסְפִירָן בְּרִיאָה, בִּלְבוּשָׁא מִלְּבָר אִיהוּ, וְלַאו אִיהוּ מִלְּגָאו, וּבְגִין דָּא כְּתִיב (בראשית א כז) וַיִּבְרָא אלהי"ם אֶת הָאָדָם בְּצַלְמוֹ הָכָא רָזָא אָחֳרָא בְּגוּפָא, אִית סְפִירָן דִּבְרִיאָה וְאִית סְפִירָן דַּאֲצִילוּת, וּבְגִין דָּא וַיִּבְרָא אלהי"ם אֶת הָאָדָם, דָּא עַמּוּדָא דְאֶמְצָעִיתָא דְאִתְּמַר בֵּיהּ (ישעיה מד יג) כְּתִפְאֶרֶת אָדָם לָשֶׁבֶת בָּיִת, בְּצַלְמוֹ שְׁכִינְתָּא תַּתָּאָה, בְּצֶלֶם אלהי"ם שְׁכִינְתָּא עִלָּאָה, וַיִּיצֶר יהו"ה אלהי"ם אֶת הָאָדָם דָּא צַדִּיק חַי עָלְמִין, יְצָרוֹ בִיצִירָה עִלָּאָה וּבִיצִירָה תַּתָּאָה, דְּאִינוּן י' י' מִן א, ו' מִן וַיִּיצֶר אִיהוּ ו' דְּאֶמְצָעִיתָא, דְּאִיהוּ בִתְרֵין יוּדִין בְּאָת א, וּתְרֵין יוּדִי"ן עֲלַיְיהוּ אִתְּמַר (משלי יד א) חַכְמוֹת נָשִׁים בָּנְתָה בֵיתָהּ וְאִינוּן חָכְמָה קְדוּמָה וְחָכְמָה תַּתָּאָה.

Segment 5ה׳

וְאָדָם מִסִּטְרָא דְאוֹת בְּרִית י' אִתְיְלִיד מָהוּל, הֲדָא הוּא דִכְתִיב (שמות ב ב) וַתֵּרֶא אוֹתוֹ כִּי טוֹב הוּא, (ישעיה ג י) אִמְרוּ צַדִּיק כִּי טוֹב, דְּתַמָּן לַאו קְלִיפָה דְעָרְלָה כְּלָל, וְהָא דְאִתְּמַר אָדָם הָרִאשׁוֹן מוֹשֵׁךְ בְּעָרְלָתוֹ הֲוָה, דָא אָדָם דַּעֲשִׂיָּה, וּמַאי נִיהוּ דָא קְלִיפָה דְאִתְלַבְּשָׁא בֵּיהּ (נ"א דאתלבשת בה) לְשַׁלְטָאָה עַל כֹּלָּא, הֲדָא הוּא דִכְתִיב (תהלים קג יט) וּמַלְכוּתוֹ בַּכֹּל מָשָׁלָה, וּבְגִין דָּא אִתְּמַר בָּהּ (בראשית א כו) נַעֲשֶׂה אָדָם בְּצַלְמֵנוּ כִּדְמוּתֵנוּ לְאִתְלַבְּשָׁא בְּכָל דִּיּוֹקְנִין וּקְלִיפִין.

…and 3 more segments in this section.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Tikkunei Zohar — vocalized edition (public domain), via Sefaria