תקוני הזהר, דף קט״ז ע״אTikkunei Zohar 116a

Daf 116a — amud 231 of 295 — 7 segments

An English rendering of this section is being prepared. The Aramaic is complete below.

Segment 1א׳

בְּשַׁבָּתוֹת וְיֹמִין טָבִין, וְאִשְׁתְּאָרַת שְׁכִינְתָּא תַּתָּאָה יְחִידָאָה לְתַתָּא, וּשְׁכִינְתָּא עִלָּאָה יְחִידָאָה לְעִילָא, וְהָא אוּקְמוּהָ אֵיכָה יָשְׁבָה בָדָד, דִּבְקַדְמֵיתָא לָא הֲוַת שְׁכִינְתָּא עִלָּאָה זָזָה מִנַּיְיהוּ כְּגַוְונָא דִשְׁכִינְתָּא תַּתָּאָה, זַכָּאִין אִינוּן מָארֵי דִתְיוּבְתָּא דְנַחְתֵי לָהּ עֲלַיְיהוּ בְּכָל יוֹמָא וְשַׁעִִתָּא וְרִגְעָא וְלָא זָזַת מִנַּיְיהוּ בְּכָל אֲתַר, דַּעֲלַיְיהוּ אִתְּמַר (שם ו כב) בְּהִתְהַלֶּכְךָ תַּנְחֶה אוֹתָךְ כו' וְלָא אִית לָהּ עֲלַיְיהוּ יוֹמָא יְדִיעַ כְּגַוְונָא דְאָחֳרָנִין דְּלָא נָחֲתַת עֲלַיְיהוּ אֶלָּא בְּשַׁבָּתוֹת וְיוֹמִין טָבִין, אֲבָל מָארֵי תְּיוּבְתָּא לָא זָזַת מִנַּיְיהוּ לְעָלַם.

Segment 2ב׳

וּבְגִין דָּא בְרִי, אֵ"י הֶבֶל אָחִיךָ, אִי יָכְלִינָן לְמֵימַר א' י' מִן אהי"ה אִימָּא עִלָּאָה, וְאִשְׁתָּאֲרוּ ה' ה', וְאִתְּמַר עֲלַיְיהוּ וַתֵּלַכְנָה שְׁתֵּיהֶן, הָכָא חָאב הֶבֶל אָדָם, חָב בְּי"ו מִן יהו"ה וְאִסְתַּלַּק י"ו וְאִתְעֲבִיד ו' י', אָמַר רַבִּי אֶלְעָזָר וְהָא י' ו', אִינוּן, י' לְעִילָא ו' לְתַתָּא, מַאי ו' י', אָמַר בְּרִי הָכִי אִיהוּ וַדַּאי, דְּחוֹבָה דָא אִיהוּ לְעִילָא בְּאָת א דְאִסְתַּלְקַת בְּמַחֲשָׁבָה דְאִיהִי י' עִלָּאָה דְתַמָּן עִלַּת הָעִלּוֹת, וְאִשְׁתָּאַר ו' י' כְּגַוְונָא דָא א, וְעַל י' עִלָּאָה אִתְּמַר (תהלים צא יד) כִּי יָדַע שְׁמִי, שֵׁם י', יִקְרָאֵנִי וְאֶעֱנֵהוּ, זַכָּאָה אִיהוּ מָאן דְּנָחִית לֵיהּ בְּמַחֲשַׁבְתֵּיהּ לְאַתְרֵיהּ, דְּהַאי מַחֲשָׁבָה עֲלָהּ אִתְּמַר (ויקרא ז לז) זֹאת הַתּוֹרָה לָעוֹלָה לַמִּנְחָה וְלַחַטָּאת וְלָאָשָׁם וְלַמִּלּוּאִים וּלְזֶבַח הַשְּׁלָמִים.

Segment 3ג׳

וְאַמַּאי אִתְּמַר בְּאָת י' כִּי יָדַע שְׁמִי, אֶלָּא, כְּמָה דְלֵית בְּאָת י' שׁוּתָּפוּ דְאָת אָחֳרָא, הָכִי לֵית בֵּיהּ שׁוּתָּפוּ דְאִיהוּ אֶחָד וְאֵין שֵׁנִי לוֹ, אֶחָד בְּלָא חֻשְׁבָּן, הוּא בְרָא כֹּלָּא וְלֵית בּוֹרֵא עֲלֵיהּ, וְכִי אִית דְּיָכִיל לְמִבְרֵי אֲפִילוּ יִתּוּשׁ זְעִיר אֶלָּא הוּא, אֶלָּא, מַיִם אִית לוֹן חֵילָא לְמִבְרֵי אִילָנִין וְעִשְׂבִּין, וְאִינוּן אִתְבְּרִיאוּ, אֲבָל בּוֹרֵא עָלְמִין בָּרָא וְלֵית עֲלֵיהּ מָאן דְּבָרָא לֵיהּ וּלְחַכִּימָא בִרְמִיזָא דְבַאֲתַר דָּא לֵית לְגַלָּאָה יַתִּיר.

Segment 4ד׳

אָמַר רַבִּי אֶלְעָזָר מֵהָכָא מַשְׁמַע דְּאִית בּוֹרֵא בְשׁוּתָּפוּ דְאַתְוָון, כְּגוֹן ב' מִן בְּרֵאשִׁית דְּאִיהִי אִימָּא, ר' מִן רֵאשִׁית דְּאִיהִי חָכְמָה, ו' מִן בּוֹרֵא דְאִיהוּ עַמּוּדָא דְאֶמְצָעִיתָא, א' מִן בְּרֵאשִׁית דְּאִיהוּ כֶּתֶר, שִׁי"ת, שִׁית סְפִירָן, הָא כֻלְּהוּ עִִשֶׂר, אִם חָסֵר חַד לָא אִשְׁתַּלִּים בְּרִיאָה, אֲבָל עִלַּת עַל כָּל הָעִלּוֹת אִיהוּ בָּרָא כֹלָּא בְּלָא שׁוּתָּפוּ כְּלָל.

Segment 5ה׳

אָמַר רַבִּי אֶלְעָזָר וְכִי הָא שְׁמַעִִנָא, דְּבַעֲשַׂר סְפִירָן לָא אִתְּמַר תַּמָּן אֶלָּא אֲצִילוּת וְלָא בְּרִיאָה, אָמַר רַבִּי שִׁמְעוֹן וּמָאן אָמַר דְּאִית בְּהוֹן בְּרִיאָה אֶלָּא כֻלְּהוּ עִִשֶׂר בְּשׁוּתָּפוּ דָא עִם דָּא עָבְדִין בְּרִיאָה בְּעָלְמָא, וַאֲנָא אֵימָא דְאִם הֲוָה חָסֵר חַד מִן מִנְיָנָא לָא אִשְׁתַּלִּים הַהִיא בְּרִיאָה, אֲבָל עִלַּת עַל כָּל הָעִלּוֹת אִיהוּ בּוֹרֵא בְּלָא שׁוּתָּפוּ אָחֳרָא דְאִיהוּ חַד בְּלָא שׁוּתָּפָא כְלָל לָא לְעִילָא וְלָא לְתַתָּא וְלָא בְּאֶמְצָעִיתָא וְלָא מִכָּל סִטְרָא כְלָל, אָמַר וַדַּאי כְּעַן אִתְגַּלְיָא מַה דְּלָא אִתְמַסַּר לְגַלָּאָה אֲפִילוּ מִלִּבָּא לְפוּמָא, וְרָזָא דָא צָרִיךְ לְאִתְכַּסְיָא מִכָּל בַּר נַשׁ, דְּלַאו כָּל מוֹחָא יָכִיל לְמִסְבַּל הַאי, אֶלָּא אִלֵּין דְּיָדְעִין בְּרָזִין, אִלֵּין דְּחָכְמָתָא דִלְהוֹן סָלִיק עַל כָּל נְבִיאַיָּא וְחַכִּימַיָּא.

…and 2 more segments in this section.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Tikkunei Zohar — vocalized edition (public domain), via Sefaria