זהר חדש, שיר השירים רמ״א–ר״עZohar Chadash, Shir HaShirim 241–270

Paragraphs 241–270 of 662 in Shir HaShirim — reading 9 of 23

An English rendering of this section is being prepared. The Aramaic is complete below.

Paragraph 241רמ״א

הָכָא רָזָא דְרָזִין, לְיָדְעֵי חָכְמְתָא עִילָּאָה. וּזְעִירִין אִינוּן דְּיָדְעִין שְׁמָא דָא. וְאַף עַל גַּב דְּהָא אוֹקִימְנָא בְּרָזָא דְּאַתְוָון, וְהָכֵי אִיהוּ. אֲבָל נְקוּדֻי וְטַעֲמֵי, קַבָּלָה לְמשֶׁה מִסִּינַי, בְּאוֹרַח סָתִים, לְחַכִּימֵי לִבָּא.

Paragraph 242רמ״ב

וְרָזָא דָא, (שמות ל״א:ו׳) וּבְלֵב כָּל חֲכַם לֵב נָתַתִּי חָכְמָה. דְּהָא מֵרָזָא דִּנְקוּדֵי וּתְנוּעֵי דְטַעֲמֵי, הֲווֹ יָדְעִין לְאַנְהָרָא צִיּוּרִין דִּלְעֵילָא. דְּהָא נְקוּדֵי דְאַתְוָון מִתְנַהֲגָן בְּהוּ הֲווֹ יָדְעִין, וּבְרָזָא דִילְהוֹן הֲווֹ יָדְעִין וְאִשְׁתְּמוֹדְעָן לְקַיְימָא הַהוּא צִיּוּרָא בְּרָזָא עִילָּאָה.

Paragraph 243רמ״ג

בְּגִין דְּכַוָּונָה וּרְעוּתָא אִיצְטְרִיךְ לְכָל אִינוּן עוֹבָדִין וְצִיוּרִין עִילָּאִין דִּלְעֵילָא. וְאִינוּן הֲווֹ יָדְעֵי מִגּוֹ רָזָא דְצִיּוּרָא דִּנְקוּדֵי, לְשַׁוָּואָה רְעוּתָא וְלִבָּא בְּכָל עוֹבָדָא וְעוֹבָדָא.

Paragraph 244רמ״ד

כָל אִינוּן צִיּוּרִין דְּמַשְׁכְּנָא, לָא הַוְיָן אֶלָּא רָזָא דְּאַתְוָון דַּקִּיקִין. בְּגִין דְּאִית אַתְוָון עִילָּאִין רַבְרְבִין, וְאִית אַתְוָון זְעִירִין דַּקִּיקִין. אַתְוָון זְעִירִין דַּקִּיקִין, אִינוּן עוֹבָדָא דְמַשְׁכְּנָא. אַתְוָון עִילָּאִין רַבְרְבִין, עוֹבָדָא דְבֵי מַקְדְּשָׁא דְּבַיִת רִאשׁוֹן, וְהַנֵּי לָא אִתְעֲבִידוּ לְאִתְקַּדְּשָׁא לְעֵילָא, אֶלָּא בְּצִיּוּרָא דָא.

Paragraph 245רמ״ה

דְּרָזָא דִּנְקוּדֵי דְּאַתְוָון דַּקִּיקִין, אִינוּן מִסִּטְרָא דִשְׂמָאלָא. וּנְקוּדֵי דְּאַתְוָון עִילָּאִין רַבְרְבִין, אִינוּן מִסִּטְרָא דְיָמִינָא. וְאִלֵּין כְּגַוְונָא דְאִלֵּין אִתְנָשׁוֹ מֵעָלְמָא, בַּר דְּאָתוֹ חַכִּימֵי, דְּקַבִּילוּ נְהִירוּ דְּחָכְמְתָא מִקַּדְמָאי, וַאֲקִימוּ לוֹן עַל אַתְוָון, לְנַטְלָא אַתְוָון מַטְלָנוֹן בְּגִינַיְיהוּ. וְעַל דָּא עֲבִידְתָּא דְמַשְׁכְּנָא, וַעֲבִידְתָּא דְּבֵי מַקְדְּשָׁא, בְּצִיּוּרָא נְקוּדֵי הֲווֹ שְׁלֵמִין בִּרְעוּתָא וְכַוָּנָה.

…and 25 more segments in this section.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Zohar Chadash — Hebrew edition (public domain), via Sefaria