זהר חדש, שיר השירים רי״א–ר״מZohar Chadash, Shir HaShirim 211–240

Paragraphs 211–240 of 662 in Shir HaShirim — reading 8 of 23

An English rendering of this section is being prepared. The Aramaic is complete below.

Paragraph 211רי״א

פְּתַח רַבִּי שִׁמְעוֹן וַאֲמַר, כְּתִיב (בראשית כ״ז:כ״ז) וַיָּרַח אֶת רֵיחַ בְּגָדָיו וַיְבָרַכֵהוּ וְגו', מַה חָמָא יִצְחָק, דְּאַף עַל גַּב דְּהַהוּא מֵיכְלָא וּמִשְׁתַּיָא קָא אַיְיתֵי לֵיהּ יַעֲקֹב, לָא בָרְכֵיהּ, עַד זִמְנָא דְאָרַח בְּאִינוּן לְבוּשִׁין.

Paragraph 212רי״ב

הָכָא אִית לְאִסְתַּכָּלָא, דְּהָא אִינוּן לְבוּשִׁין לָא הֲווֹ דִידֵיהּ דְּיַעֲקֹב, דְּהָא אוֹרַיְיתָא אַסְהֵידַת, דִּכְתִיב (שם) אֶת בִּגְדֵי עֵשָׂו בְּנָהּ הַגָּדוֹל, וְהָכָא כְּתִיב אֶת רֵיחַ בְּגָדָיו, וְכִי בְּגָדָיו הֲווֹ, רֵיחַ הַבְּגָדִים מִיבָּעֵי לֵיהּ, מַאי בְּגָדָיו.

Paragraph 213רי״ג

אֶלָּא, בְּגָדָיו וַדַּאי הֲווֹ אִינוּן לְבוּשִׁין מַמָּשׁ, וְלָאו דְּעֵשָׂו. וְאַף עַל גַּב דִּכְתִיב בִּגְדֵי עֵשָׂו, בְּטוֹפְסָא הֲווֹ גַּבֵּיהּ. כְּגַוְונָא דָא הַהוּא בְּאֵר דִּיתֵיב עֲלֵיהּ יַעֲקֹב, וִיתֵיב עֲלֵיהּ משֶׁה, בְּטוֹפְסָא הֲוָה לְגַבֵּי אָחֳרָנִין, כֵּיוָן דַּאֲתָא יַעֲקֹב אִשְׁתְּמוֹדַע בֵּירָא לְמָארֵיהּ, וּסְלִיקוּ מַיָא לְגַבֵּיהּ, וְכֵן לְגַבֵּי משֶׁה.

Paragraph 214רי״ד

כְגַוְונָא דָא, אִינוּן לְבוּשִׁין, בְּטוֹפְסָא הֲווֹ לְגַבֵּי עֵשָׂו, כֵּיוָן דְּאַלְבֵּישׁ לוֹן יַעֲקֹב, אִשְׁתְּמוֹדְעוּ מָאנִין לְמָארֵיהוֹן. מִיּוֹמָא דַּעֲבֵיד לוֹן קוּדְשָׁא בְּרִיךְ הוּא, לָא סְלִיקוּ רֵיחִין דִּילְהוֹן, עַד זִמְנָא דָא דְּלָבֵישׁ לוֹן יַעֲקֹב, דְּהָא אֲהַדְּרוּ לְבוּשִׁין לִדְיוֹקְנַיְיהוּ. יַעֲקֹב דִּיוּקְנָא דְּאָדָם וַדַּאי הֲוָה, וְשַׁפִּירוּ דִּילֵיהּ, בְּשַׁעֲתָא דְּחָמוֹ לְבוּשִׁין דִּיוּקְנָא דְאָדָם, סְלִיקוּ רֵיחָא.

…and 25 more segments in this section.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Zohar Chadash — Hebrew edition (public domain), via Sefaria