זהר חדש, שיר השירים ס״א–צ׳Zohar Chadash, Shir HaShirim 61–90

Paragraphs 61–90 of 662 in Shir HaShirim — reading 3 of 23

An English rendering of this section is being prepared. The Aramaic is complete below.

Paragraph 61ס״א

פָּתַח וְאָמַר (שיר השירים א׳:א׳) שִׁיר הַשִּׁירִים אֲשֶׁר לִשְׁלֹמֹה, זַכָּאָה דָרָא דִי חָכְמְתָא דִלְעֵילָא שַׁרְיָא בְּגַוֵּיהּ. בְּשַׁעֲתָא דְקוּדְשָׁא בְּרִיךְ הוּא הֲוֵי בָּעֵי לְגַלָּאָה בְּאַרְעָא, מַה דְּלָא אִתְגְּלֵי לְמַלְאֲכֵי עִילָּאֵי. וּמַאי אִיהוּ, רָזִין דְּחָכְמְתָא דִשְׁמָא גְלִיפָא עִילָּאָה. דִּשְׁמָהָן קַדִּישִׁין לָא אִתְמַסְּרוּ לוֹן, וְאִתְמַסְּרוּ לְחַכִּימִין בְּאַרְעָא. בְּהַהִיא שַׁעֲתָא, מְשַׁבְּחָן וְאָמְרִין, (תהילים ח׳:ב׳) ה' אֲדוֹנֵינוּ מָה אַדִּיר שִׁמְךָ בְּכָל הָאָרֶץ אֲשֶׁר תְּנָה הוֹדְךָ עַל הַשָּׁמָיִם.

Paragraph 62ס״ב

מָה אַדִּיר שִׁמְךָ בְּכָל הָאָרֶץ, אִילֵּין רָזִין גְּלִיפִין דִּשְׁמָהָן קַדִּישִׁין, דְּאִתְגַּלְּיָין בְּאַרְעָא, וְתוּשְׁבַּחְתָּא דְהַאי, עַל הַשָּׁמָיִם. דְּכָל אִינוּן אוֹכְלוּסִין אוֹדָן וּמְשַׁבְּחָן עוֹבָדָא דָא, דְּאִתְגְּלֵי בְּאַרְעָא מַה דְּלָא אִתְגְּלֵי לוֹן.

Paragraph 63ס״ג

הָא הָכָא רָזִין דִּרְתִיכָא קַדִּישָׁא עִילָּאָה, דְּאַרְבַּע שְׁמָהָן גְּלִיפָן, וְהָא אִיהוּ רָזָא דְרָזִין רְתִיכָא עִילָּאָה דִשְׁמָהָן: אדנ"י. צְבָאוֹ"ת. יהו"ה. אהי"ה. רָזָא דְּאַרְבָּע שְׁמָהָן גְּלִיפָן, דְּאַרְבַּע זְהוֹרִין. וְכָל זָהֲרָא וְזָהֲרָא אִתְכְּלֵיל חַד בְּחַבְרֵיהּ, וְתֵיאוּבְתָּא דְהַאי לְעָאֳלָא בְּהַאי, וּלְאִתְכְּלָלָא הַאי בְּהַאי.

Paragraph 64ס״ד

וְאִלֵּין אַרְבַּע זְהוֹרִין, אִתְפָּרְשָׁן בִּשְׁמָהָן יְדִיעָן: חַד אִקְרֵי זוֹהַ"ר חָשׁוּךְ וְלָא חָשׁוּךְ. בְּאִסְתַּכְּלוּתָא דִילֵיהּ, מִיָּד אָרֵים חָשׁוּךְ. מִסְתַּכְּלָאן בֵּיהּ יַתִּיר, נָצֵיץ וְלָהֵיט בִּנְהִירוּ, וְשַׁפִּירוּ עִילָּאָה. וּנְהוֹרֵיהּ קָמִיט בְּגַוֵּיהּ, עַד דְּבָטַשׁ בֵּיהּ נְהוֹרָא אָחֳרָא, דְּכָרֵי בְּהַאי נְהוֹרָא, וְאַנְקֵיב לָהּ, כְּדֵין אִתְמַלְיָא מֵהַהוּא זָהֳרָא, וְנָצֵיץ לְכָל סְטַר.

Paragraph 65ס״ה

זָהֳרָא דָא, אִתְגְּלֵיף בְּשִׁבְעִין וּתְרֵין נְצִיצִין, דְּאִינוּן שִׁבְעִין וּתְרֵין שְׁמָהָן גְּלִיפָן, דְּשִׁבְעִין סַנְהֶדְּרִין וּתְרֵין סַהֲדִין. כְּדֵין הַאי זוֹהֲרָא כְּלִילָא בִּשְׁתֵּי שְׁמָהָן, וּמִתְעַטְרָא בִּשְׁמָא דָא אדנ"י.

…and 25 more segments in this section.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Zohar Chadash — Hebrew edition (public domain), via Sefaria