תקוני הזהר, דף קל״ו ע״בTikkunei Zohar 136b

Daf 136b — amud 272 of 295 — 3 segments

An English rendering of this section is being prepared. The Aramaic is complete below.

Segment 1א׳

יְבֵשָׁה, אָמְרַת לוֹן, רַבָּנָן, מִלִּין אִלֵּין לַאו אִינוּן אֶלָּא מֵהַהוּא עָלְמָא, אָזְלַת לְהַהוּא שְׁרַגָּא דַהֲוָה לָהּ סִימָנָא בֵּיהּ, דְּכַד רַבִּי כְּרוּסְפְּדָאי הֲוָה חַי הֲוָה שְׁרַגָּא מִתְנַעִִנְעָא וְנַהֲרָא בְּכַמָּה נְהוֹרִין מְרַקְמָן, חֲזִתָּהּ לִנְהוֹרָא דְאִתְחַשְׁכַת, מִיָּד אָמְרַת, רַבָּנָן רַבָּנָן, אֲבֵדָה קָא אִתְאֲבִידַת לִי, וַאֲנָא בָּעִינָא לְמֵיזַל לְפַשְׁפְּשָׁא בְגִינָהּ, אָמְרוּ וַדַּאי הָא אִשְׁתְּמוֹדְעַאת לָהּ, אֲזַלוּ לְאָרְחַיְיהוּ, וְאִיהִי נָפְקַת לְפָרָשַׁת אוֹרְחִין, וְאַשְׁכַּחַת יוֹנָה נוּקְבָא, אָמְרַת לָהּ יוֹנָה יוֹנָה אַנְתְּ דַּהֲוַת שְׁלִיחָא מְהֵימְנָא לְמָארָךְ, הֲדָא הוּא דִכְתִיב (שם ח ח) וַיְשַׁלַּח אֶת הַיּוֹנָה מֵאִתּוֹ, וְאִתְּמַר בָּךְ (שם יא) וַתָּשָׁב אֵלָיו הַיּוֹנָה לְעִת עִִרֶב, תָּבַת לֵיהּ בִּשְׁלִיחוּתָהּ, בְּאוֹמָאָה עֲלָךְ בְּהַהִיא יוֹנָה קַדִּישָׁא, דְתֵיזִיל בִּשְׁלִיחוּת דִּילִי, וְתֵדַע אִי בְּרִי חַי אוֹ מֵת, מִיָּד לְעִידָּן רַמְשָׁא חָזְרָה בִּשְׁלִיחוּתָהּ, דְּהָכִי חָזְרַת לְנֹחַ לְעִת עִִרֶב, הֲדָא הוּא דִכְתִיב וַתָּבֹא אֵלָיו הַיּוֹנָה לְעִת עִִרֶב, וַהֲוַת מְמַרְטַת גַּדְפָהָא, וְחָפְרַת כּוּכָא, מִיָּד יְהִבַת קָלָא וְאִתְכַּנְשַׁת לְהַהוּא עָלְמָא.

Segment 2ב׳

לְבָתַר דַּהֲווֹ אָזְלִין בְּאָרְחָא רַבִּי שִׁמְעוֹן וְחַבְרוֹי, שְׁאִילוּ לֵיהּ, אַמַּאי כַּד נָפִיק יְנוּקָא מִמְּעִי אִמֵּיהּ אִיהוּ עִינוֹי סְתִימִין, אָמַר לון וַדַּאי דָּא אִיהוּ רָזָא (שם כז א) וַתִּכְהֶןָ עִינָיו מֵרְאוֹת, בְּאִלֵּין מַרְאוֹת דְּאַחְזִיאוּ לֵיהּ בִּמְעִי אִמֵּיהּ כַּמָּה נְהוֹרִין, כְּמָה דְחָמָא יְחֶזְקֵאל בְּמֶרְכָּבָה, לְכָל יְנוּקָא אַחְזְיָין לֵיהּ כְּפוּם דַּרְגֵּיהּ, אַחְזְיָין לֵיהּ מֵאֲתַר דְּאִיהוּ נִשְׁמָתֵיהּ, דְּאִי יִשְׁתַּדַּל בְּאוֹרַיְיתָא וּבְפִקּוּדִין, דְּיַנְהִיר הַהוּא אֲתַר דְּאִתְנְטִילַת נִשְׁמָתֵיהּ, בְּכַמָּה נִשְׁמָתִין.

Segment 3ג׳

וְאֵיךְ נָחֲתִין בְּגִינֵיהּ כַּמָּה מֶרְכָּבוֹת, וְאוֹלְפִין לֵיהּ כָּל אוֹרַיְיתָא, וְאִי אִשְׁתַּדַּל בָּהּ אַדְכִּיר לֵיהּ כָּל מַה דַּהֲווֹ אוֹלְפִין לֵיהּ בִּמְעִי אִמֵּיהּ, לְבָתַר אַחְזְיָין לֵיהּ גֵּיהִנָּם, דְּאִם עָבַר עַל פִּקּוּדֵי אוֹרַיְיתָא מַהוּ עוֹנְשָׁא דִילֵיהּ, כְּמָה דְאַחְזִיאוּ לֵיהּ אַגְרֵיהּ, לְבָתַר דְּנָפִיק מִמְּעִי אִמֵּיהּ סָתִים

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Tikkunei Zohar — vocalized edition (public domain), via Sefaria