זהר חדש, פרשת בראשית צ״א–ק״כZohar Chadash, Bereshit 91–120

Paragraphs 91–120 of 861 in Bereshit — reading 4 of 29

An English rendering of this section is being prepared. The Aramaic is complete below.

Paragraph 91צ״א

תְּרֵין דְּנָפְקוּ מִגּוֹ גּווָֹן חַד דְּאִתְכְּלֵיל מִגּוֹ אֶשָׁא סוּמְקָא, חַד אִיקְרֵי כַּבִּיר כֹּחַ. וְחַד אִיקְרֵי אִישׁ מִלְחָמָה. תְּרֵין דְּנָפְקוּ מִגּוֹ גּווָֹן חַד דְּאִתְכְּלֵיל וְאִתְתַּקֵּף גּוֹ גּווָֹן אֶשָׁא אוּכְמָא. חַד אִיקְרֵי פּוֹקֵד עָוֹן, וְחַד אִיקְרֵי מְשַׁלֵּם גְּמוּל.

Paragraph 92צ״ב

וּמֵהָכָא אִתְפָּרְשָׁן לְתַתָּא, לְכַמָּה גְבוּרָן דְּלֵית לוֹן חוּשְׁבְּנָא. וְכָלְהוֹ בִּסְטַר שְׂמָאלָא, וּבְכָלְהוֹ אִיקְרֵי קוּדְשָׁא בְּרִיךְ הוּא. וְכָלְהוֹ רְתִיכִין לְתַתָּא לְכָל סְטַר וּסְטַר. וְכֹלָּא בְּרָזָא דְּאָת ו"ו.

Paragraph 93צ״ג

בְּגִין דְּכָל אָת וְאָת מֵהַנֵּי ד' אַתְוָון דִּבְרָזָא דִּשְׁמָא קַדִּישָׁא, כָּלְהוֹ קָיְימִין עַל רְתִיכִין קַדִּישִׁין, סָמְכִין עַל מַה דְּאִסְתְּמִיכוּ. וְכָלְהוֹ רְשִׁימִין עֲלַיְיהוּ, כָּל חַד וְחַד כִּדְקָא חָזֵי לֵיהּ, וְאִלֵּין רְתִיכִין אִינוּן כִּינּוּיִין לְהַהוּא שְׁמָא קַדִּישָׁא, עַל מַה דְּקָיְימֵי.

Paragraph 94צ״ד

וְעַל דָּא מַאן דְּאָתֵי לְיַיחֲדָא שְׁמָא קַדִּישָׁא אִצְטְרִיךְ לְמִנְדַע כָּל חַד וְחַד מֵאִינוּן שְׁמָהָן דְּכִנּוּיִין עַל מָה קָיְימִין. וּמָאן אִיהוּ שְׁמָא דְּשַׁלִּיט עֲלַיְיהוּ, דְּהָא מֵהָכָא מִתְפָּרְשָׁן לְתַתָּא עַד דְּמָטוֹ לְאִינוּן שַׁלִּיטִין מְמַנָּן דְּאִינוּן רְתִיכִין לְתַתָּא וְכָלְהוֹ אִשְׁתְּמוֹדְעִין בְּרָזָא דְּהַהִיא שְׁמָא דְּשַׁלִּיט עֲלַיְיהוּ בְּהַהוּא סִטְרָא דְּקָיְימִין רְתִיכִין. וְכֹלָּא בְּרָזָא דִּשְׁמָא קַדִּישָׁא בְּאִלֵּין אַתְוָון ד' דְּאִקְרֵי קוּדְשָׁא בְּרִיךְ הוּא בְּהוֹן. זַכָּאִין אִינוּן צַדִּיקַיָא דְּאִינוּן אָזְלִין בְּאוֹרַח מֵישָׁר, זַכָּאִין אִינוּן בְּהַאי עָלְמָא, וְזַכָּאִין בְּעָלְמָא דְאָתֵי, דְּקוּדְשָׁא בְּרִיךְ הוּא רָחִים לְהוֹן.

Paragraph 95צ״ה

שֵׁירוּתָא בְּסִטְרָא דְאֶמְצָעִיתָא, בְּפִתְחָא דְּמִזְרָח, דְּפִתְחָא דְּמִזְרָח אִיהִי קָיְימָא בְּאֶמְצָעִיתָא. נָטֵיל תְּרֵין סִטְרִין, לַעֲבָרָא לוֹן בַּעֲבָרִין וְדָשִׁין, בְּסִטְרָא דָא וּבְסִטְרָא דָא.

…and 25 more segments in this section.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Zohar Chadash — Hebrew edition (public domain), via Sefaria