זהר חדש, פרשת וירא א׳–ד׳Zohar Chadash, Vayera 1–4

Paragraphs 1–4 of 4 in Vayera — reading 1 of 1

An English rendering of this section is being prepared. The Aramaic is complete below.

Paragraph 1א׳

(בראשית יח) וְאַבְרָהָם הָיֹה יִהְיֶה: יִהְיֶה בְּגִי' שְׁלשִׁים. יוֹמָא חַד נָפַק ר' שִׁמְעוֹן, וְחָזָא עָלְמָא דְּחָשֵׁיךְ וְאָפֵיל, וְאִסְתַּתֵּם נְהוֹרֵיהּ. אָמַר לֵיהּ רַבִּי אֶלְעָזָר, תָּא וְנֶחֱזֵי מַה בָּעָא קוּדְשָׁא בְּרִיךְ הוּא. אֲזָלוּ, וְאַשְׁכָּחוּ חַד מַלְאָכָא, דְּדָמֵי לְטוּרָא רַבְרְבָא, וְאַפֵּיק תְּלָתִין שַׁלְהוֹבִין דְּנוּרָא מִפּוּמֵיהּ.

Paragraph 2ב׳

אָמַר לֵיהּ רַבִּי שִׁמְעוֹן, מָה אַתְּ בָּעֵי לְמֵיעְבַּד, אָמַר לֵיהּ בָּעֵינָא לְמִחְרְבֵיהּ לְעָלְמָא, בְּגִין דְּלָא שְׁכִיחֵי תְּלָתִין זַכָּאִין בְּדָרָא. דְּהָכֵי גָּזַר קוּדְשָׁא בְּרִיךְ הוּא עַל אַבְרָהָם, וְאַבְרָהָם הָיֹה יִהְיֶה, יִהְיֶה בְּגי' תְּלָתִין הֲווֹ. אָמַר לֵיהּ רַבִּי שִׁמְעוֹן, בְּמָטוּ מִינָךְ זִיל קַמֵּי קוּדְשָׁא בְּרִיךְ הוּא וְאֵימָא לֵיהּ, בַּר יוֹחָאי שְׁכִיחַ בְּעָלְמָא.

Paragraph 3ג׳

אֲזַל הַהוּא מַלְאָכָא קַמֵּי קוּדְשָׁא בְּרִיךְ הוּא, אָמַר לֵיהּ, מָארֵי עָלְמָא גְּלֵי קַמָּךְ מַה דַּאֲמַר לִי בַּר יוֹחָאי, אֲמַר לֵיהּ קוּדְשָׁא בְּרִיךְ הוּא, זִיל אַחְרְבֵיהּ לְעָלְמָא, וְלָא תַשְׁגַּח בֵּיהּ בְּבַר יוֹחָאי.

Paragraph 4ד׳

כַד אָתָא, חַזְיֵיהּ רַבִּי שִׁמְעוֹן לְמַלְאָכָא, אָמַר לֵיהּ אִי לָא תֵיזֵל, גָּזַרְנָא עֲלָךְ דְּלֹא תֵיעוֹל לִשְׁמַיָיא, וְתֶהֱוֵי בַּאֲתַר דַּעֲזָא וַעֲזָאֵל. וְכַד תֵיעוֹל קַמֵּי קוּדְשָׁא בְּרִיךְ הוּא אֵימָא לֵיהּ, וְאִי לֵית תְּלָתִין זַכָּאִין בְּעָלְמָא, לֶיהֱווֹן עֶשְׂרִים. דְּהָכֵי כְּתִיב לֹא אֶעֱשֶׂה בַּעֲבוּר הָעֶשְׂרִים. וְאִי לֵית עֶשְׂרִים, לֶהֱווֹ עֲשָׂרָה, וְאַחַר כַּךְ כְּתִיב, לֹא אַשְׁחִית בַּעֲבוּר הָעֲשָׂרָה. אִי לֵית עֲשָׂרָה לֶהֱווֹן תְּרֵין, דְּאִינוּן אֲנָא וּבְרִי. דְּהָכֵי כְּתִיב, (דברים יט) עַל פִּי שְׁנַיִם עֵדִים יָקוּם דָּבָר, וְאֵין דָּבָר אֶלָא עוֹלָם, דִּכְתִיב (תהלים לג) בִּדְבַר ה' שָׁמַיִם נַעֲשׂוּ וכו'. וְאִי לֵית תְּרֵין, הָא אִית חַד, וַאֲנָא הוּא. דִּכְתִיב (משלי י) וְצַדִּיק יְסוֹד עוֹלָם. בֵּיהּ שַׁעֲתָא נְפַק קָלָא מִן שְׁמַיָא וַאֲמַר, זַכָּאָה חוּלָקָךְ רַבִּי שִׁמְעוֹן, דְּקוּדְשָׁא בְּרִיךְ הוּא גָּזַר לְמַעְלָה, וְאַתְּ מְבַטֵל לְתַתָּא, בְּוַדַּאי עֲלָךְ כְּתִיב (תהלים קמה) רְצוֹן יְרֵאָיו יַעֲשֶׂה.

Become a premium member

Or start free — a free account opens your first 5 gematria searches in full. Create free account

The daily learning is free on your account, every day.

Zohar Chadash — Hebrew edition (public domain), via Sefaria